甘油小研究

**如想轉載,煩請從本頁share及標註由KiddyShirley提供唷。(呢篇野我研究咗成晚架>O<)當然,如有不足,歡迎大家一同探討和指教呀!

glycerin_1_grande

呢篇甘油故事的由來:
我地有d產品用咗化裝品級高純度、非動物油脂既天然甘油作保濕劑。今日有客人來探討甘油的用處,及係唔係天然呢?(加上我地既茶樹系列同保濕精華含有甘油~~)我就用已知既知識,再特登上網做d研究去深入了解甘油

結論 (鍾意講咗結論先)
1. 純粹論功效而言,甘油天然與否其實無分別,分別在於純度。高純度甘油唔會令皮膚受到化學品既影響,但太高反而令皮膚乾燥。
2. 天然和人工合成的功效是無分別的,只係我地KiddyShirley堅持使用天然同植物脂提煉出來既高純度甘油。原因當然係我地既理念,唔用動物脂唷~!

甘油在護膚品既功效
首先,甘油唔係油!而係一隻水溶性既多元醇(polyol)。甘油本身可以應用在不同既層面,例如化工、食品、醫療、種植等等…而用在護膚品既功效就係保濕劑。甘油的特性在於本身係吸濕,換言之如果在潮濕的地方(例如香港、新加坡)就可以吸到空氣既水份作滋潤同保濕。相反,如果在乾燥既地方使用(北邊既國家),就反而被抽返皮膚既水份而變得更乾。所以唔可以話甘油保濕就係唔係都用架。(這牽涉出另一個問題,某d牌子既護膚品在自己既國家,例如美國或韓國,功效非常顯著,而且紅到來香港,但因為地區唔同,天氣、環境、濕度更加南轅北轍,大家都要考慮呢d護膚品又是否適合香港使用呢!)

甘油是天然嗎?
甘油有分天然和人工合成。
天然甘油指由甘油三酯產生化學反應所產生出來的,而動物脂或植物脂中本身就含有甘油三酯,所以為之天然。舉例當我地做天然手工皂時,皂化過程會產生甘油,可以話全天然手工皂, 並唔適合話係人工合成了。
而人工合成係指由非甘油三酯中化工合成出來的。(有興趣可以上網查下)

天然和人工合成的甘油功效分別
其實,天然同人工合成係無分別架!甘油就係甘油,唔理點樣整出來都係甘油。但係功效好唔好,同有無化學成份既傷害,就要睇甘油本身既純度。純度愈高,證明愈少其他化學成份。所以所謂化妝品級既甘油就係高純度既甘油,亦係KiddyShirley所使用既。
當然之後會有人問,100%純度一定最好架啦~~唔係!記得之前提及過甘油既吸濕功能,100%純度既甘油可能會抽乾皮膚既水份,令到皮膚變得乾燥架~

參照:
Kraft J, Lynde C. Moisturizers: what they are and a practical approach to product selection. Skin Therapy Lett. 2005;10(5):1-8.

https://en.wikipedia.org/wiki/Glycerol

Powered by WordPress. Designed by Woo Themes

Facebook
Facebook